જોવા બેસો તો જોવા મળશે...

જોવા બેસો તો જોવા મળશે દરેક જાત ના માનવ,
ક્યાંક કોઈક દેવ તો ક્યાંક કોઈક દાનવ.

એવું તો નથી કે ઉપર સ્વર્ગ છે અને ઉપર જ છે નરક,
જોવા બેસો તો જોવા મળશે જીંદગી,
ક્યાંક કોઈક મોજ તો ક્યાંક કોઈક દોજખ. ( 1 )

એવું તો નથી કે કુદરત છે માત્ર સર્જનમય કે માત્ર વિનાશમય,
જોવા બેસો તો જોવા મળશે કુદરત ની લીલા,
ક્યાંક અવનવા લયસ્તરો તો ક્યાંક અમંગળ પ્રલય. ( 2 )

એવું તો નથી કે મોહ માયા ત્યજવા માટે બનવું જ પડે ભગવાધારી,
ધ્યાન થી જોશો તો દેખાશે છ્દમ્વેશી,
કોઈક સંસારી સાધુ તો કોઈક સાધુ બની ને પણ વ્યભિચારી. ( 3 )

એવું તો નથી કે દરેક જણ દેખાડે સરખી રીતે, મન માં ભરાયેલો રોષ,
સંસાર ના આ બેવડા વલણો પર જોશો તો,
કોઈક મારી ને બતાડે ગુસ્સો તો કોઈક કવિતાથી પ્રગટ કરે આક્રોશ. ( 4 )

જોવા બેસો તો જોવા મળશે દરેક જાત ના માનવ,
ક્યાંક કોઈક દેવ તો ક્યાંક કોઈક દાનવ.
.
.
.
.
.

અને છેલ્લે ભલે આ કવિતા થી એને કઈ લાગતું વળગતું નથી પણ છતાય લોકો ની પુત્ર એટલે રત્ન અને કુળદીપક અને પુત્રી એટલે બોજ અને કુળવિનાશક ની વિચારસરણી બદલાય એ માટે,

એવું તો નથી કે દીકરાથી જ છે ખાનદાન નું અસ્તિત્વ,
જોવા બેસો તો જોવા મળશે માનુનીઓ,
કોઈક બીઝનેસ માં લઇ જતી દેશ ને મોખરે તો કોઈક કરતી ઓલ્મ્પીક્સ માં દેશ નું પ્રતિનિધિત્વ.